ОШ. Райондук шайлоо комиссияларынын толук түзүмү бүгүн Ош облустук шайлоо комиссиясынын кезектеги отурумунда каралып, жактырылды. Облустук шайлоо комиссиясынын төрагасы Амат Маматоморов райондук шайлоо комиссияларынын курамдары шайлоо кодексинин жоболоруна ылайык саясий партиялардан, коомдук уюмдардан жана жергиликтүү жамаат өкүлдөрүнөн тургандыгын белгиледи. Ал эми шайлоо комиссияларынын курамын түзүүдө кайсы саясий партиялардан жана коомдук уюмдардан талапкерлер сунушталгандыгы маалымдалган жок. Жыйындын жүрүшүндө участкалык шайлоо комиссияларынын курамына, участокторду жабдууга байланышкан маселелер талкууланды.
