БИШКЕК. 28-августа Астана шаарында Япониянын тышкы иштер министри Иорико Кавагути Борбор Азия өлкөлөрүнүн тышкы иштер министрлери менен жолугушат. Ага Казакстан, Кыргызстан, Узбекстан, Тажикстан жана Түркмөнстандын тышкы иштер министрлери катышат. Жолугушуу учурунда дүйнөдөгү жана Борбор Азиядагы коопсуздук абал жана келечекте өз ара кызматташуу тууралуу пикир алмашуу болот. Бул тууралуу ИТАР-ТАСС маалымат агенттиги жазып чыкты. Кыргызстандын Тышкы иштер министрлигинин маалымат кызматы, жолугушуу болоорун тастыктап, жолугушуу тууралуу кеңири маалымат кийинчээрек таратыла тургандыгын билдирди.
