Түркмөнстандын парламентинин жыйынында президент Сапармурад Ниязов жазган “Рухнама” китебинин айрым бөлүмдөрү окулду. Бул тууралуу Түркмөнстандын мамлекеттик маалымат каражаттарында жазылды. Сапармурад Ниязов бул китебинде түркмөндөрдүн руханий баалуулуктары жана жүрүм-турумундагы этикалык нормалар жөнүндө жазган. Мында ошондой эле балдарды кандай тарбиялаш керек, үй-бүлө мүчөлөрүнө, коңшуларга кандай мамиле жасоо керек деген маселелер да камтылган. Китептин биринчи бөлүгү 2001-жылы чыккан. Түркмөнбашынын “Рухнама” китеби өлкөнүн мектептеринде күн сайын окутулат.