БИШКЕК. Кыргызстандын эгемендүүлүк күнүнө байланыштуу Россия президенти Владимир Путин президент Аскар Акаевге куттуктоо жолдоду. Анда эки мамлекет ортосундагы достук мамилени жана конструктивдүү кызматташууну Россия жогору баалары белгиленген. Президент Путин ошондой эле эки тараптуу экономикалык, илимий жана маданий байланыштар өсүп жатканына канааттануу билдирип, кыргыз калкын майрамы менен куттуктаган. Бул тууралуу президенттин маалымат кызматынан бүгүн кабарлашты.
