Азия банкы долбоорлорун иликтеп жатат

БИШКЕК. Бул күндөрү Кыргызстанда Азия өнүгүү банкынын Чыгыш жана Борбор Азия департаментинин башкы директору Мухаммад Тусним иш сапар менен жүрөт. Ал Азия банкынын Чүй областын жакшыртууга багытталган программаларынын ишке ашырылышы менен таанышып, Ысыккөл областындагы кредиттик союздардын ишинен кабар алды. Эртең ал вице-премьер-министр Жоомарт Оторбаев менен жолугушуп, банктын долбоорлорун ишке ашыруунун деңгээли жана багыттары боюнча пикир алышат.
Мындай маалымат инвестиция тартуу боюнча консультативдик кеңештин катчылыгынан алынды.