Индиялык-пакистандык сүйлөшүүлөрдүн экинчи күнү

Жаңы Делиде Индиянын жана Пакистандын тышкы иштер министрлеринин эки күндүк жолугушуусу өтүүдө.
Кашмир чатагын жөндөөгө багытталган сүйлөшүү быйыл январда башталган.

Жекшемби күнү Индиянын тышкы иштер министи Натвар Синх жана анын пакистандык өнөгү Куршед Казури ислам козголоңчуларынын чегарадан өтүүсү жана Кашмирдин эки бөлүгүн бириктирген автобус каттамын талкуулашканын ырасмий Дели маалымдады.