Гаага шаарында Югославиянын мурдагы президенти Слободан Милошевичтин соту уланууда. Анын дайындалган адвокаттарынын бири Зденко Томанович бүгүн Милошевичтин күнөөсүз экендигин далилдей ала турган күбөнү сотко чакырды. Бирок Милошевич сот дайындаган адвокаттар менен иштешүүдөн баш тартып, өзүн өзү коргой турганын кайталоодо. Ага каршы 66 күнөө коюлган, алар 1990-жылдарда Хорватия, Босния жана Косоводо болгон ич-ара согуштар учурундагы аскерий кылмыштар менен байланыштуу.
