БИШКЕК. 19-24-сентябрда Кыргызстанда Шанхай кызматташтык уюмунун катчылыгынын делегациясы болот. Аны катчылыктын аткаруучу директору Чжан Дэгуан жетектейт. Сапар учурунда Чжан Дэгуан Шанхай кызматташтык уюмунун улуттук координаторлорунун кеңешинин жана өкмөт башчыларынын жыйынына катышат. Катчылыктын аткаруучу директору президент Аскар Акаев, өкмөт башчы Николай Танаев жана тышкы иштер министри Аскар Айтматов менен жолугушуп, уюмдун алкагында кызматташуу, коопсуздукту бекемдөө боюнча сүйлөшүүлөр болот. Бул тууралуу бүгүн тышкы иштер министрлигинин маалымат кызматынан кабарлашты.
