БИШКЕК. Бүгүн Бишкекке Шанхай кызматташтык уюмуна кирген өлкөлөрдүн - Россия, Кытай, Өзбекстан, Тажикстан жана Казакстандын уюмдагы улуттук координаторлору келди. Бул тууралуу тышкы иштер министрлигинен кабарлашты. Маалыматка караганда, 20-сентябрда улуттук координаторлордун кеңешинин жыйыны өтөт. Ал - уюмдун аткаруучу катчысы Чжан Дэгуандын төрагалыгы астында өтмөкчү. Чжан Дэгуандын Бишкекте президент Аскар Акаев, өкмөт башчы Николай Танаев баш болгон ырасмий өкүлдөр менен жолугушуп, Шанхай уюмунун келечеги, анын алкагында кызматташуу маселелери боюнча сүйлөшүүлөрдү өткөрөт.
