Чеченстанда жок кылынган соңку беш согушкердин бири Түркиянын жараны

Орусиянын аскерий өкүлдөрүнүн билдиргенине караганда, алар кечээ Чеченстандын түштүгүндөгү Сержень-Юрт кыштагынын жанынан жок кылынган. Орус армиясынын өкүлү Иля Шабалкин бүгүн буларды билдирди:

- Окуя болгон жерди жана анын айланасын тинтүү учурунда өлтүрүлгөн согушкерлердин биринен ал Түркиянын жараны экенин далилдеген документтер табылды. Анда Түркиянын чет өлкөлүк паспорту жана ички паспортту алмаштыруучу карточкасы болгон.

Аскерлер бүгүн кечээги уруштун учурунда качып кетүүгө үлгүргөн согушкерлерди издөөнү улантууда.