Украинанын президенттигине талапкер Виктор Ющенко сентябрдын башында дарыланган Венадагы оорукананын доктурларынын айтымында, Ющенко ууктурулган деген маселеге чекит коюу азырынча эрте. Оорукананын кызматкери Николай Корпан кечээ күнү Венада журналисттер менен жолугуп, маселе дагы изилденип жатат деп билдирди. Венадан Украинага кайтып келгенден кийин Ющенко бийлик ага каршы кол салууга аракет көргөн деп жарыялаган, бирок 28-сентябрда оорукана жетекчилиги - Ющенконун ууктурулганы жөнүндө эч далил жок деп билдирген.
