Дүйнөнүн жүзгө жакын белгилүү адамы Орусиянын президенти Владимир Путинге кат жазып, өлкө саясий жетекчилигин түзүү эрежелерин өзгөртүү боюнча анын акыркы аракеттерин сынга алды. Катка кол койгондордун арасында Чехиянын мурдагы президенти Вацлав Гавел, Швециянын мурдагы премьер-министри Карл Билдт, америкалык сенаторлор Жон Маккейн жана Жозеф Байден бар. Путин көтөргөн демилге боюнча Орусия Федерациясына кирген жумурияттар менен дубандардын жетекчилери мындан ары эл тарабынан шайланбайт, Мамлекеттик думанын депутаттары болсо партиялык тизме менен гана шайланат.
