БИШКЕК. 9-октябрда Кыргызстанга Германиянын Бундестагынын вице-президенти Анти Фольмар жетектеген парламенттик делегация келет. Бул тууралуу тышкы иштер министрлигинин батыш башкармалыгынан бүгүн кабарлашты. Маалыматка караганда, германиялык делегация президент Аскар Акаев, өкмөт башчы Николай Танаев жана Жогорку Кеңештин төрагалары Абдыганы Эркебаев, Алтай Бөрүбаев менен жолугушаары белгиленүүдө. Анти Фольмар жетектеген делегация Кыргызстанга Борбор Азия регионуна жасаган сапарынын алкагында таанышуу максатында келмекчи.
