Жорж Буш менен демократ-сенатор Жон Керри ички турмуштун жана экономиканын маселелерин талкуулашмак эле. Бирок талаштар терроризм темасынан башталып, эки атаандаш кайрадан өз позицияларын жактап айтышты. Мындан мурдагы талкууларда Буш менен Керри Иракка, Иран менен Түндүк Кореянын атомдук программаларына, ошондой эле терроризмге каршы күрөшкө байланыштуу талашып-тартышкан эле. Коомдук пикирдин соңку сурамжылары атаандаштардын 2-ноябрга белгиленген шайлоодогу мүмкүнчүлүгү тең экенин көрсөттү.
