Эки өлкөнүн тышкы иштер министрлери Жек Стро менен Йошка Фишер талкууга Тегерандын да өкүлү катыша турганын ырасташып, ошол эле учурда Ирандан уран байытуу ишин токтотууну талап кылышты. Бу тууралуу МАГАТЭ да өткөн айда Иранды эскерткен эле. 25-ноябрда МАГАТЭнин жыйынында бу маселе атайын каралат жана иш ошондон кийин ООНдун коопсуздук кеңешине коюлушу ыктымал. Ирандын МАГАТЭдеги өкүлү Агазаде уран байытуу укугунан Тегеран баш тартпай тургандыгын, анткени мунун баары жайчылык максаттарды гана көздөгөн программа экенин кайрадан ырастады.
