Линктер

logo-print
жекшемби, 04-декабрь, 2016 Бишкек убактысы 20:31

17 мамлекет террорго каршы күрөштө маалымат алмашып турат


АЛМАТЫ. Алматы шаарында дүйнөнүн 17 өлкөсү террорчулукка каршы күрөштө маалымат алмашып турууга макулдашты. "Азиядагы кызматташтыкты жана өз ара ишенимди өнүктүрүү" конференциясынын катышуучулары пландаштырылып жаткан аскердик операциялар жөнүндө бири-бирин кабардар кылып турууга жана аскердик маневрлар учурунда байкоочулар менен алмашып турууга макулдашты. Конференцияда сүйлөгөн сөзүндө Россиянын тышкы иштер миинстри Сергей Лавров:

-Биздин негизги максаттарыбыздын бири -Ооганстанды калыбына келтирүүгө жана аны кошуналары жана жалпы дүйнө коомчулугу менен жакшы ымалада жашаган өлкө катары тикелөөгө жардам берүү,- деп айтты.

Ал эми Казакстандын президенти Нурсултан Назарбаев:

-Жакырчылыкка каршы күрөшкө чоң көңүл буруубуз керек. Жакырдык террорчулук, маңзат аткесчилиги жана башка ушул сыяктуу кылмыштардын очогу болуп калды,-деп билдирди.

Конференцияга Азербайжан, Ооганстан, Египет, Индия, Иран, Израиль, Казакстан, Кыргызстан, Кытай, Монголия, Палестин автономиясы, Пакистан, Россия, Тажикстан, Тайланд, Түркия жана Өзбекстан катышты.

Азаттык Фейсбукта

XS
SM
MD
LG