Киото протоколуна кошулбай турганын АКШ дагы бир жолу кайталады

22-октябрда кечинде АКШнын Мамлекеттик катчылыгынын өкүлү Адам Эрели атайын билдирүү жасап, Вашингтон Киото протоколуна кол койбойт деп билдирди:

- Киото протоколу чындап эле маселени чече алат деп биз ишенбейбиз, ошондуктан ага кол коюуга да, аны бекитүүгө да биздин ниетибиз жок. Аны менен катар, эгер ал башка мамлекеттердин улуттук кызыкчылыгында болсо, алар протоколго кол койгону өз эрки.