БИШКЕК. Кыргызстанда атуулдардын «Жаңы багыт» аттуу жаңы бирикмеси түзүлүү алдында турат. Бул тууралуу «Акыйкат жана прогресс» партиясынын лидерлеринин бири Абдыжапар Тагаев бүгүн билдирди. Анын айтымында, калкка белгилүү бир катар инсандар жана саясатчылар келечектеги шайлоолорду адилет жана калыс өткөрүү, өлкөнүн келечегин тынчсыздануу менен жаңы бирикме түзүүгө аракеттенүүдө. Айрым маалыматтарга караганда,жаңы бирикмеге Муратбек Иманалиев, Ташболот Балтабаев, Болот Байкожоев жана башка бир катар саясатчылардын кириши күтүлүүдө.
