Косоволук Шкипе Хебиби, филиппиндик Анхелито Найан менен түндүк ирландиялык Аннетта Фланигэнди өткөн аптада “Мусулман армиясы” деп аталган топтун жасакчылары кармап кетишкен эле. Экстремисттер америкалык аскерлерди чыгарып кетүүнү жана түрмөдө жаткан талиптер менен “ал-каидачыларды” бошотууну талап кылып, шарт аткарылбаса үч туткунду өлтүрө тургандыгын айтышкан. Кечээ алар коюлган шарттын мөөнөтүн узартышты. Америкалык аскерлердин өкүлү Скотт Нелсон коалициянын күчтөрү туткундарды бошотуу аракетин көрүп жатканын билдирди.
