Линктер

бейшемби, 8-декабрь, 2016 Бишкек убактысы 06:26

Депутат менен эркин гезиттин соттошуусу кийинкиге жылдырылды


БИШКЕК. Бишкек шаардык сотунда бүгүн Эл өкүлдөр жыйынынын депутаты Давран Сабировдун «Учкун» гезитине берген доо аразы каралбай калды. Ага доогердин сот жараянына келбей калышы себеп болду. «Учкун» гезитинин 2004-жылдын 31-апрелдеги номурунда «"Ошгазды" ойрондогон Сабиров» аттуу макала жарыяланган. Анда депутат Сабировдун "Ошгаз" ишканасындагы ишмердүүлүгү сындалган. Андан көп өтпөй Давран Сабиров арнамыс, кадыр-баркыма шек келтирди деген доо менен Бишкектеги Свердлов райондук сотуна кайрылган. Моралдык чыгым үчүн гезит редакциясынан 5 миллион сом, ал эми макала автору Калил Жамгирчиевден 1 миллион сом өндүрүп берүүнү талап кылган. Буга чейин Свердлов райондук соту аталган ишти карап, депутаттын арызын канааттандырган эмес. Ага нааразы болгон Давран Сабиров Бишкек шаардык сотуна апелляциялык арыз жолдогон.

Азаттык Фейсбукта

XS
SM
MD
LG