Европадагы коопсуздук жана кызматташуу уюмунун байкоочулары кечээ күнү Вашингтон шаарында билдирүү жасап, 2-ноябрда АКШда өткөрүлгөн президенттик шайлоо дээрлик демократиялык нукта өттү деп жарыялады. Анткен менен айрым шайлоо түйүндөрүндө абдан көп адам кезекке турууга аргасыз болгондуктан, алардын кээ бирлери добуш бербей кетип калышы да мүмкүн. Андан тышкары, шайлоо алдында кээ бир улуттук азчылыктар арасында шайлоочуларга кысым жасалганы тууралуу да кабарлар болгон.
