БИШКЕК. 12-ноябрда Москвада Жамааттык коопсуздук келишими уюмуна кирген өлкөлөрдүн тышкы иштер министрлеринин жыйыны өтөт. Ага Кыргызстандын тышкы иштер министри Аскар Айтматов баштаган делегация катышат. Тышкы иштер министрлигинин маалымат кызматынын кабарлоосуна караганда, отурумда өз ара кызматташтыкты чыңдоо жана эларалык терроризм менен биргелешип күрөшүү маселелери каралат. Жыйын соңунда эларалык терроризм менен күрөшүү максатында биргелешкен билдирүү кабыл алынат. Жамааатык коопсуздук келишими уюмуна Армения, Кыргызстан, Казакстан, Орусия, Белорус жана Тажикстан мүчө.
