БИШКЕК. 14-ноябрда Кыргызстанда орозо айт майрамы белгиленип, борбор калаада жана жер-жерлерде айт намаз окулду. Бишкекте айт намаз парламенттин алдындагы аянтта окулуп, 60 миңден ашуун адам намазга жыгылды. Айт намазга келген мусулмандарды адегенде Кыргызстан мусулмандарынын муфтийи Мураталы ажы Жуманов, андан соң мэр Медетбек Керимкулов, президенттин администрациясынын социалдык маселелер боюнча бөлүм башчысы Тынымбек Ормонбеков, Түркиянын, Пакистандын, Ирандын Кыргызстандагы элчилери куттукташты. Андан соң арбактарга куран окулду.
