Вашингтон президент В.Путиндин билдирүүсүн сабырдуу маанайда кабыл алды. АКШ президентинин басма сөз өкүлү Скотт МакКлеллан бул жарыя чоң жаңылык алып келген жок, эки өлкөнүн жетекчилери маселени мурда эле талкуулап коюшкан деп маалымдады. "Бул жерде биз үчүн жаңылык деле жок. Биз Орусиянын аскердик арсеналын жакшыртуу аракеттерин түшүнөбүз. Ушу тапта эки өлкө ортосундагы мамилелер абдан жакшы деңгээлде. Эки президент кызматташтыкты жакшыртууга бирдей салым кошушту, өткөндү артка таштап, ядролук арсеналды кыскартууну да макулдашышкан", - деди Вашингтондун ырасми өкүлү.
