БИШКЕК. Бүгүн юстиция министри Нелля Бейшеналиева БУУнун Борбор Азия, Европа жана Түндүк Америка өлкөлөрүндөгү адам укуктарынын абалы боюнча координатору Андерс Педерсен баштаган делегация менен жолукту. Жолугушууда Бейшеналиева Кыргызстанда адам укуктарынын абалы, БУУнун колдоосу аркылуу адам укугун коргоо жаатындагы долбоорлордун турмушка ашырылышы тууралуу маалымдады. Ошондой эле адам укуктары боюнча алдыда аткарыла турган иш чаралар тууралуу пикир алышуулар жүрдү. Бул тууралуу юстиция министрлигинен бүгүн билдиришти.
