Орусиянын президенти Владимир Путин бүгүн Маскөөдө Эл аралык валюта корунун аткаруучу деректири Родриго де Рато менен жолугуп, өлкөнүн карызы мөөнөтүнөн мурда төлөнөт деп билдирди. Корго болгон беш миллиард доллар карызын Орусия 2008-жылга чейин төлөш керек, бирок Путиндин айтымында, өлкө бул карызды 2006-жылы төлөп бүтүшү мүмкүн. Карыздын негизги бөлүгү - Париж клубунун алкагында алынган каражат.
