БИШКЕК. Бүгүн өлкөнүн Улуттук коопсуздук кызматы укук коргоочу Турсунбек Акундун жоголушуна анын эч кандай тиешеси жок деген расмий билдирүүсүн таратты. Билдирүүдө коопсуздук кызматынын өкүлдөрү Турсунбек Акунду жолугушууга чакырган эмес, аны чакырууга эч кандай муктаждык болгон эместиги жөнүндө айтылган. Ал эми ички иштер министрлигинин басма сөз кызматынын жетекчиси Жолдошбек Бусурманкулов Турсунбек Акунду издөө иштери башталгандыгы жөнүндө маалымдады. Кечээ Турсунбек Акундун жубайы Бишкек шаарынын Свердлов районунун ички иштер бөлүмүнө арызы менен кайрылган.
