Пентагон кызматкерлеринин айтымында, АКШ президенти Жорж Буш жакын арада Доналд Рамсфелдди кайрадан коргоо министри кылып дайындайт. Ал тууралуу Буш Рамсфелдке убада кылды жана согуш жүрүп жаткан учурда министри алмаштырып кереги жок деп билдирди. Конгресстин бир топ мүчөсү мурда Рамсфелддин кызматтан кетишин талап кылган, министрге негизинен эки күнөө коюлууда - согуштан кийин Ирактагы абалды калыбына келтирүү үчүн өлкөгө жетиштүү аскер жибербегени жана Багдаддын алдындагы "Абу-Грейб" абагындагы туткундар америкалык солдаттар тарабынан кыйноого дуушар болгону.
