БИШКЕК. Кыргызстанда 10 жашка чейинки курактагы айылдык балдардын 60%, шаардык балдардын 54% жакыр жашайт. Бул балдардын ден соолугуна, жетиштүү тамактануусуна, кийим-кечек менен камсыздалышына, билим алышына тоскоолдук жараткан олуттуу жагдай. Бул тууралуу бүгүн Бишкекте өткөн улуттук конференцияда маалымдалды. Анда балдарды жакырчылыктан чыгаруунун каржылык өңүтү талкууланды. Конференцияны ЮНИСЕФ, ДиФИД, Улуттар Уюмунун өнүгүү программасы жана «Мээрим» Эл аралык фонду каржылады. Улуттук Конференцияны Кыргыз өкмөт башчысы Николай Танаев ачты.
