Кечээ Йошкар-ала шаарындагы түстүү бойок же сыр чыгара турган фабрикада өрт чыгып, анын кесепетинен алты адам каза тапты. Орусиянын чукул кырдаалдар министрлигинин маалыматына караганда дагы эки адамдын тагдыры белгисиз болуп жатат. Куткаруу иштеринин акыбетинен 14 адамдын өмүрү сакталып, алар ооруканага жаткырылды. Бирок алардын үчөөнүн ахыбалы оор. Кырсыктын себептери иликтенип жатат.
