Бул иш 1994-жылы 11-декабрда президент Борис Ельциндин жарлыгы менен жасалган эле. Россиялык көпчүлүк саясатчылар менен укук коргоочулар мунун абдан калпыс кадам болгонун айтып жүрүшөт. Михаил Горбачев Интерфакс агенттигине берген интервьюсунда Ельциндин чечимин “улуу жана касиреттүү каталык” деп атады. Мунун айынан миңдеген адамдар кыргынга учурады, Чеченстан кыйырсын ургандай кыйраканы чыкты, кырдаал алиге чейин жөнгө салына элек, деп белгиледи Горбачев.
