Европа Биримдигинин бийик жолугушуусунда Болгария менен Румыния Биримдикке мүчө болуп кирүүгө эмдиги жылдын апрелинде чакырылат деген чечим кабыл алынды.Алар уюмга 2007-жылы кошулушу мүмкүн. Аны менен катар эмдиги жылы апрелде Биримдикке Хорватияны кабыл алуу тууралуу да сүйлөшүүлөр башталат, бирок ал үчүн бул өлкө мурдагы Югославия боюнча аскерий трибунал менен толук ченемде кызматташууга тийиш деген шарт коюлду.
