Расми эмес маалыматтарга караганда, 23-декабрда Палестина автономиясында өткөрүлгөн жергиликтүү шайлоодо жеңишке ФАТХ уюму жетишти. Йордан дарыясынын батыш жээгиндеги 26 кеңештин жыйырма төртүндө берилген добуштар саналып чыкты жана алардын он биринде көпчүлүк орундарды ФАТХтын өкүлдөрү утуп алды, бирок "Хамас" уюму үчүн дагы бир топ добуш берилди. 9-январда өтө турган жалпы шайлоону болсо "Хамас" бойкоттоп жатат.
