БИШКЕК. Келээрки парламенттик шайлоого байланыштуу Кыргызстандагы айрым саясий партиялар өз курултайларын өткөрүшүүдө. «Эркиндик» партиясынын курултайы 29-январда Бишкекте өткөрүлөт. Курултайда келээрки парламенттик шайлоого партиянын атынан талапкерлерди көрсөтүү жана болочок шайлоолордо башка партиялар менен бир саясий блокко биригүү сыяктуу эки маселе бар. Шайлоо Кодексине ылайык болочок шайлоого катышууну каалаган талапкерлер өздөрүн өздөрү көрсөтүшөт же кандайдыр бир саясий партия тарабынан көрсөтүлүшү керек.
