БИШКЕК. 29-декабрда «Кыргызстан элдик кыймылынын» лидери-Курманбек Бакиев, «Ата журт» коомдук саясий кыймылынын лидери Роза Отунбаева, «Жаңы багыт» партиясынын жетекчиси Муратбек Иманалиев, Кыргызстан элдик конгрессинен Алмаз Атамбаев жана «Адилет шайлоо үчүн» атуулдук бирикмесинин лидери Мисир Ашыркулов өз ара кызматташтык тууралуу меморандумга кол коюшту. Меморандумда парламенттик шайлоо учурунда өз ара кызматташуу, алдыдагы парламенттик шайлоону баш мыйзамдын чегинде, демократиянын негизинде адилет өткөрүү, жаңыдан түзүлгөн саясий күчтөр тууралуу шайлоочулар арасында туура, так маалымат берүү маселелери каралган.
