Казакстанда иштеген Сорос фонду бүгүн жасаган билдирүүгө караганда, бийлик Фондко каршы күнөө коюп, ал салыктарды толук төлөгөн эмес деп айыптоодо жана аны менен Фонддун өлкөдөгү аракеттерин токтотууну көздөгөн сыяктуу. Алматы шаарынын салык полициясы кечээ күнү Сорос фондуна каршы кылмыш ишин ачты. Эгерде иш аягына чейин жеткирилсе, Фонд ири айыпка жыгылат же анын иши токтотулат. Фонддун айтымында, ал Казакстанда 1993-жылдан бери иштегенде, өлкөнүн бир да мыйзамын же эрежесин бузган эмес.
