Дүйнөлүк саламаттык сактоо уюмунун айтымында, Түштүк Азиядагы жер титирөөдөн жапа чеккендерге тез жардам жетпесе, дагы ондогон миң адам ар башка оорулардан каза табышы ыктымаал. Өлгөндөрдүн саны азыр 68 миңден ашты деп айтылууда, бирок бул сан дагы эки эсеге көбөйүшү мүмкүн. Австралия тышкы иштер министри Александер Даунердин айтымында, экономикалык чыгым дагы өтө зор: "Кырсык болгон өлкөлөрдүн экономикасы кыйроо алдында, ошондуктан жардам жана инвестициялар керек. Австралия, АКШ, Жапания сыяктуу өлкөлөр жардам көрсөтөбүз. Бул биздин жоопкерчилигибиз". Малайзия жетекчилигинин айтымында, Жаңы жылды майрамдоонун ордуна өлкөдө намаз гана окулат.
