“Жетимен” коомдук кайрымдуулук кору 2005-жыл үчүн СССРдин эл артисти Капар Медетбековго жана Кыргыз эл артисти Асек Жумабаевге ай сайын берилүүчү стипендия чектеди. Бул тууралуу аталган кордун уюштуруу комитетинен билдиришти. Буга чейин “Жетимен” кайрымдуулук корунун стипендиясын кыргыздын белгилүү акыны маркум Байдылда Сарногоев алып келген. Уюштуруу комитетинин билдиргенине караганда, жакын арада жазма акындар үчүн жыл сайын ыйгарылуучу Байдылда атындагы адабий сыйлык уюштурулат. Сыйлыктын акчалай көлөмү Токтогул атындагы мамлекеттик сыйлыктын көлөмүнөн жогору болот.
