БИШКЕК. Кезинде Европаны аралап жүргөн «коммунизм караанындай» КМШ аймагын «тукаба» ыңкылабынын карааны аралап жүрөт. Бул мурдагы советтик жумуруяттардагы коомдук-саясий маанайды мыйзам ченемдүү түрдө чагылдырууда деп ойлоймун. Анткени, өткөөл мезгилде керек болгон күчтүү президенттик бийлик демократиянын андан ары өнүгүшүнө тардык кылууда, деп билдирген өлкөнүн тышкы иштер министри Аскар Айтматов «Слово Кыргызстана» гезитине 6-январда жарыяланган маегинде. Анын пикиринде, Кыргызстанда жаңы системага өтүү эволюциялык жол менен жүрүүдө. Кыргызстанда тукаба ыңкылабын жасоого себеп жок, эгерде ал жасалган болсо Грузия, Украина эмес, Тажикстан вариантында болушу ыктымал. Мына ошондон чочулаймын деп айткан Аскар Айтматов.
