Линктер

жекшемби, 11-декабрь, 2016 Бишкек убактысы 06:17
БИШКЕК. «Атажурт» кыймылынын теңтөрайымы Роза Отунбаеваны колдогон оппозициячыл күчтөрдүн өкүлдөрүнүн нааразылык акциясы 10-январда Бишкекте улантылды.

Бул күнү пикетке «Атажурт» бирикмесинин жана курамына 9 партия кирген Кыргызстан элдик кыймылынан баш-аягы 150 чамалаш өкүл чыгышты. Алар аткаруу бийлигинен Кыргызстандын АКШ, Улуу Британиядагы мурдагы элчиси Роза Отунбаеваны парламенттик шайлоого талапкер катары каттоону талап кылышты.

Бишкектеги №1 Университет шайлоо округундагы шайлоо комиссиясы оппозиция өкүлү Роза Отунбаеваны келээрки парламенттик шайлоого талапкер катары каттоо тууралуу 6-январда кечинде чечим чыгарган. Ошол эле күнү түн жарымында комиссия шашылыш жыйын өткөрүп кайрадан мурдагы чечимин жокко чыгарган.

Оппозиция өкүлдөрү мындай чечимди мамлекет башчы Аскар Акаевдин түздөн-түз кийлигишүүсүнөн улам кабыл алынган саясий чечим деп баалашууда. Бейрасмий булактарда №1 Университет шайлоо округу боюнча мамлекет башчы Аскар Акаевдин кызы Бермет Акаева депутаттыкка ат салышаары тууралуу жоромолдор айтылууда, бирок шайлоо бийлиги бул маалыматты азырынча тастыктаган жок.

Азаттык Фейсбукта

XS
SM
MD
LG