Нарында аялдар депутат болгусу келбейби?

НАРЫН.17-январда Нарын облустук шайлоо комиссиясынын төрагасы Аманкул Молдалиев массалык маалымат каражаттарынын өкүлдөрү үчүн атайын жыйын өткөрүп, учурдагы шайлоо өнөктүгүнүн жүрүшү тууралуу маалымат берди. Төраганын айтымында 17-январга карата облустагы 4 шайлоо округунан 26 талапкердин документтери тапшырылган. Алардын 13ү катталган. 3 талапкерлерди саясий партиялар сунуштаган. Калган талапкерлер өзүн өзү көрсөткөндөр.
№32 Атбашы округунан 3, №33 Нарын жана №35 Акталаа, Жумгал округдарынан 8, ал эми №34 Кочкор округунан 6 талапкер ат салышууга ниеттенсе, Нарын округунан 1 талапкер шайлоого катышуудан баш тарткан. Айтмакчы, талапкерлер арасында бир дагы айым жок.