БИШКЕК. Борбордук шайлоо комисиясынын маалыматына караганда, 24-январга карай Жогорку Кеңештин депутаттыгына талапкер болуп көрсөтүлгөн атуулдардын саны 469, ал эми талапкер болуп катталгандар 378 болду. Талапкерлер ичинен 7 атуулду каттоодон округдук шайлоо комиссиялар баш тарткан. Алардын ичинде төрт мурунку элчи бар.19 талапкер болсо берилген арыздарын кайра алышкан. Документтерин берген талапкерлерди каттоо «Шайлоо кодексинин» 73 беренесине ылайык добуш берүүгө 25 күн калганга чейин уланат.
