БИШКЕК. Парламенттик шайлоого талапкер болбой калган элчилер 2-февралдан баштап шайлоого катышып жатышкан оппозициячыл маанайдагы талапкерлерди колдошуп, Кыргызстандын жер-жерлерин кыдырышат. Мындай агиттоптун ичинде элчилерден сырткары Кыргызстанга белгилүү саясатчылар, жазуучулар жана коомдук ишмерлер бар. Бул тууралуу Атажурт саясий кыймылынын тең төрайымы Роза Отунбаева билдирди. Анын айтымына караганда, мындай акция курамына «Атажурт», Кыргызстан элдик кыймылы, «Элдик конгрес», «Жаңы багыт» жана башка саясий кыймылдар тарабынан уюштурулууда.
