БИШКЕК. Баткен менен Ош облустарынын чектеш жерлери жана Тажикистан менен Кытай чегарасы тарап сейсмикалык жактан коркунучтуу аймак. Аталган аймактарда 2005-2006-жылы 8 балл өлчөмүндөгү зилзала болушу мүмкүн. Бул тууралуу Сейсмологиялык инсититуттун өкүлү Эрнест Мамытов 2-февралда өткөн маалымат жыйынында билдирди. Анын айтымында, Нарын, Ысыккөл, Талас, Чүй өрөөндөрүндө жакын арада жер титрөө болушу күтүлбөйт. Бирок 2005-жылы Фергана өрөөнүнүн түндүк тарабында 5 балл өлчөмүндөгү зилзала болушу ыктымал.
