БИШКЕК. Эл аралык валюта корунун директорлор кеңеши февраль айынын соңундагы жыйынында Кыргызстан менен жаңы үч жылдык программаны жактыруу маселесин карайт. Бул тууралуу валюта корунун Бишкектеги кеңсесинен 3-февралда билдиришти. Маалыматка караганда, программа жактырылгандан кийин апрель айында кордун кезектеги миссиясы Кыргызстанга келет.Кыргызстан менен Эл аралык валюта корунун алгачкы үч жылдык программасы өткөн жылы соңуна чыккан. Анын аткарылышын эки тарап канааттандырарлык деп тапкан.
