Папа Иоан Павелдин акыбалы жакшырууда

Рим католик чиркөөсүнүн башчысы Папа Иоан Павел ооруканадагы экинчи түндү мамыр уйкуда өткөргөнү маалымдалды.
Римдин Жемелли госпиталынын басма сөз өкүлү Никола Червино маалымдаганга караганда:


-Ыйык Папанын жалпы абалы жана дем алуусу акырындап жакшырууда. Аны дарыяланууга мажбур кылган кызыл өңөчтүн сыркоосу кайтып, кыстыгып дем алуусу токтоду. Ыйык Папа өткөн түнү көшүлө уктап эс алды.

Ватикандын өкүлү Жоакин Наварро-Вальстын билдиришинче, Папа ооруканада бир жумадай болушу мүмкүн.