АЛМАТЫ. Адам Укуктарын Коргоо боюнча Эл Аралык Хельсинки комитети “Борбор Азиядагы адам укуктарынын абалына батыш көңүл бурбай жатат” деп билдирди. Комитеттин жетекчилеринин бири Аарон Родес “Казакстан, Кыргызстан, Өзбекстан, Тажикстан жана Түркмөнстанда адам укуктарынын абалы жакшырбай эле кайра начарлап баратат” деп айтты. Родестин пикиринде, жергиликтүү бийликтер баардык оппоненттерге "террорчу" деген жарлык тагып, ал эми Батыш буга унчукпастан макул болуп жатат.
