БИШКЕК. АКШнын коргоо министрлигинин жардамы менен Военно-Антоновкадагы балдар үйү реконструкцияланды.100 миң доллар каражат сарпталган долбоор өткөн жылы ноябрь айында башталган. Бул тууралуу АКШнын Кыргызстандагы элчилигинен 8-февралда маалымдашты. Маалыматка караганда, долбоорду аткарууга элчиликтин кызматкерлери жана «Манас» аба майданындагы америка аскерлери чоң салымын кошушкан. Буга байланыштуу аземге АКШнын элчиси Стивен Янг, Билим берүү министри Мустафа Кидибаев жана «Манас» аба майданындагы аскердик базанын өкүлдөрү катышты.
