Бириккен Улуттардын баш катчысы Кофи Аннан кечээ атайын билдирүү жасап, Африканын Судан мамлекети Дарфур маселеси боюнча өзүнө алган милдеттенмелерди аткарган жок деп жарыялады. Дарфур провинциясында эки жылдан бери уланып келаткан кагылышулардан эки миллион 300 миң адам жапа чекти, он миңдеген адам курман болду. Маселе бүгүн Бириккен Улуттардын Коопсуздук Кеңешинде каралууга тийиш.
