БИШКЕК. АКШнын Кыргызстандагы элчиси Стивен Янг 18-февралда «Азаттыктын» кабарчысы менен болгон маегинде, «МСН» гезитине каршы башталган сот жараяндары жана «Азаттык» радиостанциясынын март айында өзүнүн толкунунан ажырап калуу коркунучу тынчсыздандыраарын билдирди. Анын айтымында, Кыргызстан Борбор Азияда сөз эркиндиги боюнча алдыңкы катарда турат. АКШнын Кыргызстандагы элчисинин пикиринде, айрыкча шайлоолор учурунда эркин маалымат каражаттарынын иштеп туруусу өтө маанилүү.
